კონრად ადენაუერის ფონდის მხარდაჭერით კახეთის რეგიონის სკოლებში ტრენინგები ჩატარდა. კრიტიკული აზროვნების მნიშვნელობის, დეზინფორმაცია-პროპაგანდის ამოცნობისა და ევროპული ფასეულობების შესახებ ტრენინგებს გურჯაანისა და დედოფლისწყაროს მუნიციპალიტეტების 6 სკოლიდან 210 წარმომადგენელი დაესწრო, მათ შორის იყვნენ უფროსკლასელი მოსწავლეები, მათი მშობლები და მასწავლებლები.

არასამთავრობო ორგანიზაციამ „მშობლები განათლებისთვის“ USAID-ის სამოქალაქო საზოგადოების ჩართულობის პროგრამის ფარგლებში მოხალისე მშობლების შერჩევა წარმატებით დაასრულა და გუნდის ახალი წევრების ნაწილს გაერთიანებულ შეხვედრაზე უმასპინძლა.

მოსწავლეთა მშობლები თბილისიდან, ქვემო ქართლიდან, შიდა ქართლიდან, მცხეთა მთიანეთიდან და სამცხე-ჯავახეთიდან მოხალისეობრივად ჩაერთნენ პროექტში „მშობელთა ორგანიზებული ჩართულობა სასკოლო ცხოვრებაში“, რომელიც მიზნად ისახავს მშობელთა ჩართულობის გაზრდით დადებითი გავლენის მოხდენას ბავშვთა კეთილდღეობასა და სკოლის მიკროგარემოზე.

მომდევნო თვეების განმავლობაში იმ სკოლებში, სადაც მოხალისე მშობლების შვილები სწავლობენ, უფასოდ ჩატარდება მშობელთა ჩართულობის შესახებ ტრენინგები, ფართომასშტაბიანი საინფორმაციო შეხვედრები, მოხალისეებთან ერთად დაიგეგმება სხვა აქტივობები. მოხალისეები შეისწავლიან სკოლისა და მშობლების კომუნიკაციას, სასკოლო საჭიროებებისთვის ფინანსების მოძიებას და არაძალადობრივი პროტესტის გამოხატვის ტაქტიკებს, რაც მათ დაეხმარებათ უკეთესი ხარისხით მიიღონ მონაწილეობა შვილის სასკოლო ცხოვრებაში.

დაინტერესებული საზოგადოება პროექტში ჩართული თითოეული მოხალისე მშობლის და მისი მოტივაციის შესახებ უახლოეს მომავალში ვრცლად შეიტყობს.

პროექტის შესახებ დამატებითი ინფორმაცია იხილეთ ბმულზე https://mshobeltaskola.ge/?p=1489

არასამთავრობო ორგანიზაციების „მშობლები განათლებისთვის“ და „პარტნიორობა ადამიანის უფლებებისთვის“ ერთობლივი ორგანიზებით დღეს არასრულწლოვანთა მშობლები ბავშვთა უფლებადამცველ იურისტებს შეხვდნენ. საინფორმაციო შეხვედრა საბავშო ბაღსა და სკოლაში ბავშვთა უფლებებს შეეხო. იურისტებმა მშობლებს დეტალურად განუმარტეს, რისი უფლება აქვთ ბავშვებს სკოლამდელ დაწესებულებებსა და სასკოლო გარემოში, გასაჩივრების რა მექანიზმები არსებობს, როგორია პროცედურები და რა როლი აქვს საჯარო და კერძო სტრუქტურებს ამ პროცესში. საუბარი ისეთ მნიშვნელოვან საკითხებს შეეხო, როგორიცაა კონფლიქტების და რთული ქცევების მართვა, ბავშვზე ძალადობაზე რეაგირება და დისციპლინური პასუხისმგებლობები.

შეხვედრას „საქართველოს უნივერსიტეტმა“ და UG განვითარების ცენტრმა უმასპინძლა. საინფორმაციო შეხვედრა USAID-ის სამართლის უზენაესობის პროგრამის ფარგლებში ჩატარდა.

ესტონურ ორგანიზაცია „ელექტრონული მართვის აკადემიასთან“ და „ინფორმაციის თავისუფლების განვითარების ინსტიტუტთან“ პარტნიორობით, არასამთავრობო ორგანიზაცია „მშობლები განათლებისთვის“ ახალ პროექტს იწყებს, რომელიც მშობლებს ციფრული უნარების გაუმჯობესებასა და ბავშვთა ინტერნეტუსაფრთხოების დაცვაში დაეხმარება.

საქართველოში ბაღის აღსაზრდელების და სასკოლო ასაკის ბავშვების მშობლები ნაკლებად იცნობენ ინტერნეტის შესაძლებლობებსა და ციფრულ სამყაროში არსებულ საფრთხეებს. ეს ხელს უშლით სწორად მართონ აღზრდის პროცესში გაჩენილი „გაჯეტებთან“ დაკავშირებული სირთულეები, როგორიც არის ეკრანდამოკიდებულება, ასაკისთვის შეუფერებელი ვიდეო თამაშები, სოციალურ ქსელებთან დაკავშირებული საფრთხეები, არასასურველ შინაარსებზე ბავშვების წვდომა და კიბერუსაფრთხოების სხვა მნიშვნელოვანი გამოწვევები.

პროექტის ფარგლებში ქვეყნის 3 რეგიონიდან 180 მოხალისე მშობელი, 6 სკოლა და 6 საბავშო ბაღი შეირჩევა, სადაც ფსიქოლოგები და ინტერნეტ უსაფრთხოების სპეციალისტები საგანგებოდ მშობლებისთვის შექმნილ სასწავლო კურსებს ჩაატარებენ.  მოხალისე მშობლები ყველა იმ მნიშვნელოვან საკითხს შეისწავლიან, რაც მათ დაეხმარებათ რაციონალურად გამოიყენონ  ინტერნეტის შესაძლებლობები თავიათი შვილების კეთილდღეობისთვის. მონაწილეთა შორის ყველაზე დაინტერესებული და აქტიური მშობლები დამატებით ბანაკში მიიღებენ მონაწილეობას, სადაც ისინი ტრენინგის ჩატარების ტაქტიკებს შეისწავლიან, რათა პროექტში მიღებული ცოდნა სხვა მშობლებსაც გაუზიარონ.

მონაწილეთა შერჩევა ღია კონკურსის წესით მოხდება. კონკურსში მონაწილეობის მიღებას შეძლებენ თბილისში, ბოლნისსა და გორში არსებული საბავშვო ბაღები და სკოლები, რომელთა მშობლებსაც ექნებათ მაღალი მოტივაცია, შეხვდნენ დარგის წამყვან სპეციალისტებს და გაიღრმაონ პრაქტიკული ცოდნა ციფრული წიგნიერების მიმართულებით. სამოტივაციო წერილების მიღება წარმოებს 25 თებერვლამდე ელ. ფოსტით, მისამართზე [email protected]

პარალელურ რეჟიმში სოციალურ ქსელ Facebook-ზე მშობელთა ასოციაციის ოფიციალურ გვერდზე (https://www.facebook.com/mshoblebiganatlebistvis) და YOUTUBE არხზე (https://www.youtube.com/channel/UCcKSUrYc9WFdOXfwsAe4GQg) გაიმართება საინფორმაციო კამპანია, რომელიც მიზნად ისახავს მშობელთა ფართო აუდიტორიის ინფორმირებას ყველა იმ საკითხზე, რომელიც პირისპირ ტრენინგების დროს გაჟღერდება.

„მშობლების ციფრული განათლების პროექტი“ (DEAP) ხორციელდება „DRIVE: ციფრულად მოწყვლადი მოქალაქეების საჭიროებების კვლევის“ ფარგლებში, კორპორაცია Luminate-ის ფინანასური მხარდაჭერით.

დამატებითი ინფორმაციისათვის დაგვიკავშირდით:

ნუცა გოგუაძე, პროექტის მენეჯერი, DEAP – Digital Education and Awareness of Parents

Tel: 592 03 76 65; E-mail: [email protected] 

მეგი კავთუაშვილი, აღმასრულებელი დირექტორი, “მშობლები განათლებისათვის”
Tel: 599 74 07 50  E-mail: [email protected]