„მოსწავლეთა მშობლების მხარდაჭერის პროგრამა“ გულისხმობს ტრენინგის “მშობელთა ჩართულობა“ ადაპტირებული მასალის გამოქვეყნებას ვიდეო ფორმატში.
პროგრამას უძღვება არასამთავრობო ორგანიზაციის „მშობლები განათლებისთვის“ ხელმძღვანელი, მოსწავლეთა მშობელი მეგი კავთუაშვილი.
🔸 პროგრამის თითოეული ვიდეო ეპიზოდი მოიცავს მშობლებისთვის საჭირო და სასარგებლო ინფორმაციას, რომელიც შეიქმნა და დამუშავდა თავად მშობლების მიერ.
პირველ ვიდეო ბლოგში დეტალურად ვისაუბრებთ მშობლებისა და მასწავლებლების ურთიერთობის შესახებ.
გავიგებთ:
▪️ როგორ დავამყაროთ მასწავლებლებთან და სკოლის დირექციასთან ჯანსაღი ურთიერთობა?
▪️ რა შემთხვევაშია სასარგებლო მშობელსა და მასწავლებელს შორის სატელეფონო საუბარი და როგორ შეიძლება იყოს ის მაქსიმალურად ეფექტური?
▪️ რა ძალა და მნიშვნელობა აქვს მასწავლებელთან პირისპირ შეხვედრას?
▪️ რა შეცდომები არ უნდა დავუშვათ მშობელთა კრებაზე?
▪️ რა არის წერითი კომუნიკაციის გასათვალისწინებელი სპეფიციკა – ჩათებსა თუ დახურულ ჯგუფებში მიმოწერის მახასიათებლები, რომლებზეც უნდა დავფიქრდეთ.
▪️ ვიდეო ბლოგების სერია ეფუძნება ტრენინგს – „მშობელთა ჩართულობა“. ტრენინგის სრული კურსის ავტორია არასამთავრობო ორგანიზაცია „მშობლები განათლებისთვის“. ვიდეო ბლოგების ეს სერია კი მომზადებულია პროექტის „მშობელთა ორგანიზებული ჩართულობა სკოლაში“ ფარგლებში, რომელიც USAID-ის სამოქალაქო საზოგადოების ჩართულობის პროგრამის მხარდაჭერით მიმდინარეობდა.
კომენტარები