მოსწავლეთა მშობლები სასკოლო სისტემის გაუმჯობესებისთვის

167

არასამთავრობო ორგანიზაციამ „მშობლები განათლებისთვის“ USAID-ის სამოქალაქო საზოგადოების ჩართულობის პროგრამის ფარგლებში მოხალისე მშობლების შერჩევა წარმატებით დაასრულა და გუნდის ახალი წევრების ნაწილს გაერთიანებულ შეხვედრაზე უმასპინძლა.

მოსწავლეთა მშობლები თბილისიდან, ქვემო ქართლიდან, შიდა ქართლიდან, მცხეთა მთიანეთიდან და სამცხე-ჯავახეთიდან მოხალისეობრივად ჩაერთნენ პროექტში „მშობელთა ორგანიზებული ჩართულობა სასკოლო ცხოვრებაში“, რომელიც მიზნად ისახავს მშობელთა ჩართულობის გაზრდით დადებითი გავლენის მოხდენას ბავშვთა კეთილდღეობასა და სკოლის მიკროგარემოზე.

მომდევნო თვეების განმავლობაში იმ სკოლებში, სადაც მოხალისე მშობლების შვილები სწავლობენ, უფასოდ ჩატარდება მშობელთა ჩართულობის შესახებ ტრენინგები, ფართომასშტაბიანი საინფორმაციო შეხვედრები, მოხალისეებთან ერთად დაიგეგმება სხვა აქტივობები. მოხალისეები შეისწავლიან სკოლისა და მშობლების კომუნიკაციას, სასკოლო საჭიროებებისთვის ფინანსების მოძიებას და არაძალადობრივი პროტესტის გამოხატვის ტაქტიკებს, რაც მათ დაეხმარებათ უკეთესი ხარისხით მიიღონ მონაწილეობა შვილის სასკოლო ცხოვრებაში.

დაინტერესებული საზოგადოება პროექტში ჩართული თითოეული მოხალისე მშობლის და მისი მოტივაციის შესახებ უახლოეს მომავალში ვრცლად შეიტყობს.

პროექტის შესახებ დამატებითი ინფორმაცია იხილეთ ბმულზე https://mshobeltaskola.ge/?p=1489

 

კომენტარები